“Неманская зямля” – конкурс-пленэр юных мастакоў заснаваны ў 2017 годзе ў статусе рэгіянальнага конкурса.

У сувязі з высокай арганізацыяй правядзення, дзе значны ўклад належыць шклозаводу “Неман”, насычанай праграмай, расшырэннем  геаграфіі ўдзельнікаў і іх колькасці рашэнннем Гродзенскага абласного ўпраўлення культуры “Неманская зямля” у 2019 годзе атрымлівае статус абласнога конкурса-пленэра.

Стварэнню жывой пляцоўкі – пленэра для юных мастакоў на базе ДУА “Бярозаўская дзіцячая школа мастацтваў” – спрыяла некалькі акалічнасцяў: прыгажосць прынеманскага наваколля, градаўтваральнае прадпрыемства – шклозавод “Неман” вядомы сваімі мастакамі-прафесіяналамі – заўжды вабіць да сябе ў госці турыстаў з усей Беларусі. Таксама гісторыя засталася не без удзелу: будынак школы стаіць на фундаменце жылога дому заснавальніка шклозавода – Юліуса Столле.

Вызначальная роля ў стварэнні гэтага культурнага форума належыць таленавітаму мастаку, нераўнадушнаму чалавеку ў педагагічнай дзейнасці – Ткачовай Алёне Віктараўне.

Дарагія ўдзельнікі “Неманскай зямлі”!

Няхай прыгажосць прынеманскага краю заўжды вабіць вас і знаходзіць сваё адлюстраванне на шматгранных каляровых палітрах, а госцепрыімнасць беразаўчан і азарт творчага спаборніцтва толькі садзейнічаюць высокаму мастацкаму узроўню.

Заўжды чакаем вас!